呂慧儀（阿蟹）9月3日度過她的40歲生日，愛子「蟹籽」黃柏翹家中陪媽媽慶祝吹蠟燭，而《愛回家之開心速遞》劇組上下都有送她蛋糕慶生，單是蛋糕數量都已經收到手軟，非常熱鬧。阿蟹的粉絲一向愛錫偶像，趁她生日的日子，斥資近7萬元港幣，安排生日應援，在巴士站和地鐵站燈箱買廣告賀壽，並進行慈善捐獻，以偶像的名義行善，非常有愛。
名為「龔水充電站」粉絲團特別舉辦大型生日應援，在全港多區的巴士站燈箱、港鐵站燈箱買廣告，以大大張阿蟹的靚相加上她最愛的橙色做背景，在鬧市中非常顯眼。此外，粉絲從義工營運的「匡懷士多」購入320支清潔精，其收益全數撥入「明輝食物銀行」，而清潔精則捐到「香港婦女中心協會」，相當有意義。
呂慧儀接受《晴報》電話訪問，她表示：「今年生日沒有準備甚麼慶祝活動，都係同家人吃飯同開工，如果之後有得休息就同蟹籽去玩吓。今年係第5年喺劇組過生日，可以在生日當天開工寧舍開心！我們的團隊熱熱鬧鬧，仲有一班很有愛的熊家人喺度，日日都有驚喜，我覺得自己好幸運有一班咁好嘅同伴，好幸福！（生日願望？）每年嘅生日願望都好簡單，希望大家都身體健康，《愛回家》長拍長有，蟹籽快高長大快快樂樂就好喇！」
對於粉絲的支持，呂慧儀非常感恩，說：「喜歡我們《愛回家》，喜歡媽呢空的粉絲設計了美美的燈箱廣告，又自發去做善事，能幫到人就幫，我覺得佢哋就係我最好嘅禮物，我都好感恩有佢哋，一直愛護我同支持我，平時開工拍嘢未必見到佢哋，借呢個機會都想多謝佢哋！希望佢哋繼續以愛行善，發放多啲正能量，幫助其他有需要的人。我希望嚟緊有機會去同啲燈箱打吓卡，留個記念！」