第二屆參與賽馬會伴妳飛婦女就業創業計劃的姊妹 假藍田麗港城商場舉行第2屆夢飛翔創業課程畢業禮暨女大當Boss市集。姊妹在商場舞台上演講30秒，擺檔介紹業務、舉辦體驗工作坊，是創業姊妹的里程碑。
【感想分享】創業姊妹心聲
創業之路雖艱難，但創業姊妹一直抱住「盡力無悔」嘅精神堅持到底對於呢半年嘅 #夢飛翔創業課程 ，姊妹老闆都有啲心聲想同大家分享吓
- Noel最初喺電台節目 你好o野 中得知課程，業務由最初嘅蘿蔔糕轉做手作車布袋，創業意念一直轉變改良，佢亦以行動證明，做手作並非「嘥時間同心機」。
- Pamie就話自己無意中喺FB睇到上屆創業姊妹嘅故事，開始留意課程，希望自己都可以好似上屆姊妹咁，上堂增值自己，將興趣發展成事業，又兼顧到家庭。Pamie話順利畢業同參加市集，係踏出夢想嘅一大步！
- JC(蕃薯姑姑)話開始咗課程後，曾經有過放棄念頭，好彩幸好喺家人、學員嘅支持下，造就手作烘焙品牌誕生，亦衍生出整其他手作產品嘅念頭，話好彩冇「跳船」咋！
- Alice純粹係膽粗粗參加創業課程，由最初無法確立創業業務，到鎖定以彩繪興趣發展成為事業，多謝同學們嘅鼓勵
- Judy做鈎織時，本來都只為興趣，冇諗過去賺錢，更加唔識計成本、回報率等，佢話做鈎織時要湊住兩個小朋友，忙起上嚟令佢手又痛腰又痛，但得到大家認同，呢段經歷真係有錢都買唔到！
- 阿淇話喺課程中，識到有相同理想嘅大家，一齊上堂、練習，互相鼓勵對方上台介紹業務，係一種緣份呢。